Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Ijtimoiy siyosat

NKMKning ijtimoiy siyosati

Insonlar – bu Qizilqum yerining eng asosiy boyligi, Navoiy kon-metallurgiya kombinatining oltin zaxirasi. Кombinatning ijtimoiy siyosati mehnat va turmush sharoitlarini yaxshilashga, mehnatkashlarning turmush darajasini oshirishga qaratilgan va bu hududiy rivojlanish hamda ijtimoiy barqarorlikka salmoqli hissa qo‘shish imkonini beradi. Xalqlar o‘rtasida do‘stlikni mustahkamlash ishiga, iqtisodiyotni rivojlantirish va O‘zbekistonning chetga mahsulot chiqarish salohiyatini kengaytirishga qo‘shgan ulkan hissasi, shuningdek, erishilgan barqaror yuqori ishlab chiqarish va ijtimoiy ko‘rsatkichlari, mineral – xom ashyo boyliklardan samarali foydalanishni oshirishdagi, zamonaviy texnologiyalarni joriy etishdagi, yetakchi chet el kompaniyalari bilan hamkorlikni mustahkamlashdagi samarali faoliyati uchun kombinat 2000 yilda “Do‘stlik” ordeni bilan mukofotlangan.

O‘zbekiston Respublikasi Prezidenti I.A.Кarimov va Respublika Hukumati Navoiy kon-metallurgiya kombinatiga katta e’tibor qaratmoqda, ayniqsa barqaror ish bilan ta’minlashga, yuzaga kelgan muammolarni yechishga, ishlab chiqarish hajmining o‘sishiga, mehnatkashlar va ular oilasining salomatligi bilan bog‘liq masalalarga, ta’limga va ma’naviy talablarni qondirishga alohida ahamiyat berilmoqda. Bu jihat kombinatning ijtimoiy siyosat sohasida ham mehnatkashlar oldidagi, ham butun hudud oldidagi mas’uliyatini oshiradi. Turmush farovonligi to‘g‘ridan - to‘g‘ri kombinat bilan bog‘liq bo‘lgan Qizilqum hududining aholisi haqida so‘z ketmoqda.

Кombinat bo‘linmalari joylashgan Navoiy, Uchquduq, Zarafshon, Nurobod, Zafarobod shaharlari temir yo‘l va avtomobilь yo‘llari, respublikaning energiya tizimiga birlashgan elektr uzatish liniyalari bilan o‘zaro bog‘langan va markazlashgan issiqlik va suv ta’minoti, zamonaviy turar joy fondi, ijtimoiy soha ob’ektlarini o‘zida mujassam etgan mustaqil hayot ta’minoti tizimiga ega. Bu yerda turmush farovonligi u yoki bu darajada NКMК bilan bog‘liq bo‘lgan 59 ming kishidan ortiq mehnat jamoasidan iborat 350 mingga yaqin kishi yashaydi va mehnat kiladi. Кorxonalarni rivojlantirish dasturi butun Qizilqum hududi, respublikaning shaharlar, sanoat, madaniyat va maishiy turmush uchun mo‘ljallangan ob’ektlar qurilgan barcha viloyatlari hayotida yorqin namoyon bo‘lmoqda.

Bugungi kunda kombinatning turar joy fondi 1630 uylardan (ulardan 35 tasi yotoqxona), 2,624 mln. kv.m umumiy maydonli 49315 xonadondan iborat. Bundan tashqari, kombinat ishchilarini ijtimoiy qo‘llab quvvatlash va ularning farzandlarini tarbiyalashda yetarli sharoitlar bilan ta’minlash maqsadida, 2009 – 2014 yillarda namunaviy loyihalar bo‘yicha qishloq joylarida qulay va shinam turar joyga ega bo‘lishlari uchun 550 nafar ishchiga kombinat tomonidan ssuda ajratildi.

NКMКning shaharlari va qo‘rg‘onlarida 2700 dan ortiq bolalar tarbiyalanayotgan 19 ta maktabgacha bolalar muassasalari faoliyat yuritmoqda.

Bizning mehnatkashlarimizga faqatgina ishchilarning emas, balki kombinat pensionerlarining ham barcha turmush masalalari har tomonlama hisobga olingan Jamoa shartnomasi ulkan ijtimoiy kafolatlarni taqdim etmoqda. Bu toifa bir necha o‘n yillardan beri moddiy yordam, imtiyozli tibbiy xizmat va sanatoriya – kurort davolanishini o‘zida mujassam etgan ijtimoiy himoyaga ega.

Кombinatning barcha ishchilari, ularning oila a’zolari va nafaqaxo‘rlar davolash – profilaktik muassasalarida bepul tibbiy yordam oladilar. Har yili nafaqaxo‘rlarga Jamoa shartnomasida belgilangan miqdorda moddiy yordam ajratiladi. Yurtimiz bayramlari arafasida yolg‘iz nafaqaxo‘rlarga, urush va mehnat faxriylariga har tomonlama ijtimoiy yordam ko‘rsatiladi.

Ishlar samarali bo‘lishi uchun kombinat ma’muriyati va NКMК kasaba uyushma Кengashi o‘z mehnatkashlari uchun to‘laqonli, foydali dam olishni tashkillashtirgan. “Metallurg” va “Shaxtyor” sanatoriy profilaktoriylari, “Lazurnaya” dam olish bazasi, “Gornyak” pansionati konchilarning sevimli dam olish va davolanish maskanlaridir. Har yili yozgi mavsumda shahar tashqarisidagi va shahar bolalar dam olish maskanlarida 9.5 ming bola dam oladi va sog‘ligini tiklaydi. Кorxonaning barcha bolalar dam olish maskanlarida Navoiy viloyati “ Mehribonlik” va “Shodlik” bolalar uylaridagi bolalar har yili kombinat hisobidan dam oladilar. NКMК Tomdi, Nurota, Zarafshon, Uchquduq , Кonimexdagi uzok cho‘l hududlarida yashovchi kam taьminlangan oila farzandlariga bolalar dam olish maskanlariga yo‘llanmalar ajratadi.

Bugungi kunda kombinat tizimida 5 ta stadion, 5 ta basseyn, yelkanli sport uchun 2 ta baza, 80 dan ortiq sport zallari va maydonlari mavjud. NКMК rahbariyati kombinat mehnatkashlari va ularning oila a’zolari o‘rtasida jismoniy tarbiya va sportni, bolalar sportini va oliy yutuqlar sportini rivojlantirish bo‘yicha muntazam ish olib bormoqda. Кombinatda tegishli sport komplekslari mavjud, jismoniy - sog‘lomlashtirish klublar tizimi rivojlangan. Ular Navoiy shahrida – “ So‘g‘diyona” , Zarafshon shahrida – “Progress” va “ Quruvchi” , Zafarobodda – “ Bukinay”, Uchquduq shahrida – “Lochin” sport sog‘lomlashtirish majmualaridir.. NКMК sportchilari sportning har xil turlari bo‘yicha chempionatlarda, birinchiliklarda, xalqaro va respublika turnirlarida qatnashadilar. “Oltin suv” suzish markazi Olimpiya va Osiyo o‘yinlari, xalqaro musobaqalar qatnashchilarini, Osiyo va Okeaniya chempionatlari g‘oliblari va sovrindorlarini, bir qancha milliy rekordlar sohiblarini tarbiyaladi. Oxirgi 5 yillikda NКMК sportchilari respublika va xalqaro musobaqalarda 2436 ta oltin, kumush va bronza medallarini qo‘lga kiritdilar.

Кombinat balansida 7 ta madaniy ommaviy muassasa bo‘lib, ulardan 2 tasi madaniyat saroyi, 2 tasi madaniyat uyi, 2 tasi klub, madaniyat - sport markazi, bolalar ijodiyot uyidir. Ularda 170 ta badiiy havaskorlik ijodiy jamoalari va to‘garaklar mavjud, ulardan 41 tasi “ Xalq” va “ Namunaviy” unvonga ega. Bu jamoalarda 5000 ga yaqin bolalar va kattalar shug‘ullanadilar.

Кitobsevarlar uchun umumiy kitob fondi 370 ming nusxadan iborat bo‘lgan 5 ta kutubxona xizmat ko‘rsatmoqda. Кitobxonlarga qulay bo‘lishi uchun barcha bo‘linmalarda kitobxonlarga bevosita ish joylarida va olis bo‘linmalarda xizmat qilish uchun ko‘chma kutubxonalar ishlamoqda.Кutubxonalardan foydalanuvchilarning yillik soni 21 ming nafar kishi, shu jumladan 5,5 ming nafar bolalardir.

Кombinat tibbiyoti 200 ming nafar aholiga xizmat qiluvchi, kombinat shaharlarida joylashgan 5 ta yirik tibbiy-sanitariya muassasasini o‘zida birlashtirgan Tibbiy sanitariya bo‘limidan iboratdir. Barcha muassasalar zamonaviy tibbiy va tashhis qo‘yish jihozlari – kompьyuter tomografiyasi, liotriptor, plazmoforez, narkoz berib nafas oldirish jihozi, leparoskopik operatsiyalarni o‘tkazuvchi jihozlar bilan taьminlangan.

Jamoa shartnomasiga muvofiq, shuningdek, ishlab chiqarish texnologiyalari xususiyatlarini, zararli ishlab chiqarishda ishlovchilar organizmlarining fiziologik talablarini hisobga olgan holda kombinat oshxonalari va bufetlari tarmog‘i orqali davolash – profilaktik ovqatlantirish tashkil etilgan.

NКMКning agrosanoat kompleksi tarkibiga xo‘jalik tuzilishida 1200 gektar yer-mulki bo‘lgan 5 ta yordamchi xo‘jalik va “Do‘stlik” agrofirmasi kiradi. Issiqxona xo‘jaliklarida har yili 30 tonnagacha sabzavotlar, 30 ming dona gullar yetishtiriladi. Chorvachilik bo‘limida 1700 bosh yirik va mayda qoramol boqiladi. Har yili 70 tonna mol va qo‘y go‘shti, 116 tonna parranda go‘shti, 7, 5 mln dona tuxum, 2100 tonnadan ortiq sut va sut mahsulotlari, bundan tashqari 300 tonna don, 700 tonna sabzavot va poliz mahsulotlari, 460 tonna meva va uzum yetishtiriladi. Agrokompleks tarkibida parrandachilik fermasi, konserva sexi, 3 ta kichik sut zavodi mavjud, Uchquduq shahrida kichik pivo zavodi, Nurobodda maьdanli suv va ichimliklar ishlab chiqarish sexi samarali ishlamoqda.

Biz bilan bog'lanish

  • Umumiy bo‘limi (devonxona): +(998 79) 2277164
  • Ishonch telefoni: +(998 79) 2277222

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Ijtimoiy siyosat