Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Qayta aloqa

Qayta aloqa

Yuklab olish(doc 13 KB)

Navoiy kon-metallurgiya kombinati Davlat korxonasining rasmiy sayti orqali fuqarolar murojaatlarini qabul qilish tartibi to‘g‘risidagi Nizom

1. Murojaatlarni Navoiy kon-metallurgiya kombinatida (NКMК) rasmiy sayti orqali qabul qilish, fuqarolarning murojaat qilishi uchun qo‘shimcha imkoniyat hisoblanadi. Ushbu Nizom, O‘zbekiston Respublikasi Vazirlar Mahkamasining 23.08.2007 yildagi 181-sonli qarori bilan tasdiqlangan «Axborot-kommunikatsiya texnologiyalaridan foydalangan holda interaktiv davlat xizmatlari to‘g‘risidagi nizom»ga muvofiq, axborot-kommunikatsiya texnologiyalaridan foydalangan holda jismoniy va yuridik shaxslarning murojaatlariga xizmat ko‘rsatishning shartlari va tartibini belgilaydi.
2. Rasmiy sayt orqali qabul qilingan murojaatlar, onlayn rejimida NКMК boshqarmasi mehnatkashlar murojaatlari xizmatiga (keyinchalik – Xizmat)yetkaziladi. NКMК rasmiy saytida fuqarolar murojaatlari shaklida ko‘rsatilgan barcha hoshiyalar (maydonlar) to‘ldirish uchun majburiydir. Murojaatlarda fuqaroning familiyasi (ismi, otasining ismi), yashash manzili to‘g‘risidagi ma’lumotlar ko‘rsatilmasa yoki ular noto‘g‘ri ko‘rsatilsa, bu murojaatlar noma’lum hisoblanadi va ko‘rib chiqilmaydi. Murojaatning to‘g‘riligini isbotlash uchun Xizmat xodimlari murojaat kelib tushgan paytdan boshlab 4 kun davomida murojaatda ko‘rsatilgan telefon raqami orqali va /yoki elektron manzil bo‘yicha arizachi bilan bog‘lanadilar. Murojaatning haqiqiyligi aniqlangandan so‘ng, belgilangan tartibda ishga qabul qilinadi.
3. O‘zbekiston Respublikasining 06.05.1994 yilda qabul qilingan 1064-XII sonli «Fuqarolar murojatlari to‘g‘risida»gi Qonuni 18-moddasiga muvofiq arizalar va shikoyatlar kelib tushgan kundan boshlab bir oy muddatda, qo‘shimcha o‘rganishni va tekshirishni talab etmaydigan ariza yoki shikoyatlar esa o‘n besh kundan kechiktirmay ko‘rib chiqiladi. Ariza yoki shikoyatni ko‘rib chiqish uchun tekshirish o‘tkazish, qo‘shimcha materiallar talab qilib olish yoki boshqa chora-tadbirlar ko‘rish zarur bo‘lgan hollarda, ariza yoki shikoyatni ko‘rib chiqish muddati NКMК rahbariyati tomonidan istisno tariqasida uzog‘i bilan bir oyga uzaytirilishi mumkin va bu haqda ariza yoki shikoyat bergan shaxsga ma’lum qilinadi
4. Maxfiy murojaatlar NКMК web- sayti orqali ko‘rib chiqish uchun qabul qilinmaydi. Maxfiy murojaatlar yozma ravishda quyidagi manzil bo‘yicha qabul qilinadi: O‘zbekiston Respublikasi, Navoiy shahri, Navoiy ko‘chasi, 27-uy.
5. Fuqarolar murojaatlarini rasmiy sayt orqali qabul qilish NКMКga og‘zaki, yozma yoki to‘g‘ridan-to‘g‘ri murojaat qilish kabi bir xil kuchga ega.
6. Qoniqarsiz javob olingan taqdirda, NКMК boshqarmasi mehnatkashlar murojaatlari xizmatiga yozma yoki og‘zaki ko‘rinishda quyidagi manzilga murojaat qilish zarur: 210100, O‘zbekiston Respublikasi, Navoiy shahri, Navoiy ko‘chasi, 27-uy.

Tel.: + (99879) 227-71-45, 221-75-58.

There is no form with this name or may be the form is unpublished, Please check the form and the url and the form management.

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Qayta aloqa