23-dekabr kuni Navoiy shahridagi “Farhod” madaniyat saroyida “Navoiy kon-metallurgiya kombinati” aksiyadorlik jamiyati hamda “NKMK jamg‘armasi” davlat muassasasi bilan hamkorlikda bo‘linmalarda faoliyat yuritib kelayotgan xotin-qizlar masalalari bo‘yicha yetakchilar ishtirokida “Zakovot” intellektual turniri o‘tkazildi. Tadbirda 18 nafar xotin-qiz “To‘maris”, “Barchinoy” va “Bibixonim” guruhlariga bo‘linib, o‘zaro bahslashdilar.

Prezidentimizning 2022-yil 20-yanvardagi “Zakovat” intellektual o‘yinini aholi o‘rtasida ommaviy-maʼrifiy harakatga aylantirish va boshqa intellektual o‘yinlarni rivojlantirishga oid chora-tadbirlar to‘g‘risida” qarori asosida ushbu harakat bugun xotin-qizlarni ham yana-da faol bo‘lishga undamoqda.

231220222

– Yil davomida kombinat bo‘linmalarida o‘tkazilgan tadbirlarda faol ishtirok etgan “USAID” xalqaro tashkilotining gender masalalari bo‘yicha masʼuli Latofat Haydarova, viloyat Ayollarni reabilitatsiya qilish va moslashtirish markazi direktori Nargiza Ermamatova va “Alisher Navoiy” jomeʼ masjidi maʼnaviy-maʼriy ishlar bo‘yicha bosh mutaxassisi Sohiba Ariziqulovalarga o‘z minnatdorchiligimizni bildirib, esdalik sovg‘alarni ulashdik. – deydi “NKMK” AJ Ayollar kengashi raisi Sabohat Nazarova

231220223

Yakunda birinchi o‘rin “To‘maris” jamoasiga nasib etgan bo‘lsa, ikkinchi o‘ringa “Barchinoy” va uchinga o‘ringa esa “Bibixonim” guruhlariga nasib etdi. Ishtirokchilarga diplom va esdalik sovg‘alar topshirildi.

A.ZARIPOV