000302

Navoiy kon-metallurgiya kombinati hamda “Issiqlik elektr stansiyalari” AJ tashabbusi bilan “Sarmish” bolalar sog‘lomlashtirish oromgohida shu yilning 27-30 iyun kunlari “Yoshlar birlashsak qudratli kuchmiz!” shiori ostida bo‘lib o‘tgan xalqaro yoshlar forumi barchada juda katta taassurot qoldirdi.

Yoshlik, do‘stlik, hamjihatlik to‘yg‘ularini qalblarda jo‘shtirgan qiziqarli dasturlar yoshlarni yana-da faollikka chorladi. Ayniqsa, forumning uchinchi kuni bo‘lib o‘tgan tadbirlar ishtirokchilar hayotida eng yorqin sahifa bo‘lib qoldi. Shu kuni qator sport musobaqalari, “Zakovat” intelektual o‘yini va boshqa tadbirlarning yakuniy final bosqichlari bo‘lib o‘tdi.

000303

Ayniqsa, forum yopilish marosimi ishtirokchilarga cheksiz quvonch ulashdi. Unda so‘z olgan tashkilotchilar yoshlarga o‘zlarining tilaklarini izhor etishdi.

000304

Turli loyihalarda g‘olib, deb topilgan bir guruh faol yoshlar homiylarning tashakkurnoma, pul mukofoti va qimmatbaho sovg‘alar bilan taqdirlanishdi.

000305

NKMK “Farhod” madaniyat saroyi sanʼatkorlari va Toshkent shahridan tashrif buyurgan taniqli estrada yulduzlari yakuniy gala-konsertda ishtirokchilarga kuy-qo‘shiqlarni armug‘on etishdi.

000306

Forum “Sarmish” darasini munavvar etgan mushakbozlik bilan yakunlandi.

NKMK Matbuot markazi.