“Kiberxavfsizlik markazi” davlat unitar korxonasining rasmiy veb-saytida xabar qilinishicha, davlat va xo‘jalik boshqaruvi hamda mahalliy davlat hokimiyati organlarida axborot va kiberxavfsizlik holati yuzasidan 2021 yilning II-choragi yakuniy natijalari eʼlon qilindi.

00051

Mazkur xabarda keltirilishicha, baholash axborot va kiberxavfsizlik monitoringi tizimidagi tashkilotlar tomonidan taqdim etilgan maʼlumotlarga asoslandi. Axborot va kiberxavfsizlikning taʼminlanganligi holati bo‘yicha yuqori reytingli (top 10) tashkilotlar aniqlandi.

Natijalarga ko‘ra, Navoiy kon-metallurgiya kombinati 93,5 ball bilan ushbu reytingning 3-pog‘onasidan o‘rin oldi. Shuni alohida taʼkidlash kerakki, joriy yilning I-choragi yakunlari bo‘yicha kombinat 85 ball bilan yuqorida ko‘rsatilgan reytingning 8-pog‘onasini egallagan edi.

Manba:

https://csec.uz/uz/news/yangiliklar/davlat-va-kh-zhalik-bosh-aruvi-amda-ma-alliy-davlat-oki222kvartal/