Korrupsiyaga qarshi kurash
NKMK zamonaviy boshqaruv tizimini joriy etgan holda kompaniyaning barcha bo‘g‘inlarida korrupsiyaning barcha ko‘rinishlariga qarshi qat’iy kurashni olib bormoqda. Ushbu yo‘nalishdagi ishlarni muvofiqlashtirish uchun korxonamizda Komplayens xizmati tashkil etildi. NKMK rahbariyati va mutaxassislari iqtisodiy samaradorlik, mablag‘larning maqsadli sarflanishi, barcha jarayonlarning ochiqligi va shaffofligini ta’minlash uchun shaxsan javobgardirlar. Bu nafaqat xalqaro hamkorlarimiz bilan muvaffaqiyatli ishlashni anglatadi, balki O‘zbekiston Respublikasi Prezidenti Shavkat Mirziyoyev tomonidan ilgari surilgan yangicha fikrlash va yangicha ishlash shioridir.
Korxonalarda korrupsiyaga qarshi kurash
«Navoiy kon-metallurgiya kombinati» aksiyadorlik jamiyati Komplayens xizmati jamiyat va uning xodimlari tomonidan O‘zbekiston Respublikasi qonunchiligi, ichki siyosat va tartib-taomillari, shuningdek korrupsiyaga qarshi kurashish sohasidagi yuqori professional va axloqiy me’yorlarga rioya etilishini ta’minlaydi.
«NKMK» AJ hamda unga tegishli korxona va tashkilotlarining mansabdor shaxslari tomonidan yo‘l qo‘yilayotgan yoki yo‘l qo‘yilgan korrupsion holatlar, ochiqlik, monopoliya talablarining buzilishi, yuzaga kelayotgan manfaatlar to‘qnashuvi hamda boshqa salbiy oqibatlar yuzasidan xabar berish uchun quyidagi Aloqa kanallari orqali bog‘lanishingiz mumkin:
Jamoatchilik kengashi
O‘zbekiston Respublikasi Prezidentining 2018-yil 4-iyuldagi "Davlat organlari huzuridagi Jamoatchilik kengashlari faoliyatini tashkil etish chora-tadbirlari to‘g‘risida"gi PQ-3837-son qaroriga muvofiq NKMKda Jamoatchilik kengashi faoliyati tashkil etildi.
Jamoatchilik kengashi Boshqaruv raisi — Bosh direktor buyrug‘i bilan tuzilgan maslahat organi bo‘lib, jamoatchilik asosda faoliyat yuritadi. Kengashning asosiy vazifasi fuqarolar, nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari bilan samarali hamkorlikni ta’minlashdan iborat.