Tamoyil va yondashuvlar
«NKMK» AJ korporativ boshqaruvi tuzilmasi
Kompaniya faoliyatinining samaradorligini oshirish, barqaror rivojlanish maqsadlariga erishish va eng yaxshi jahon standartlariga rioya qilish uchun NKMK tomonidan korporativ boshqaruvning yondashuvlari doimiy ravishda takomillashtirilmoqda.
Korporativ boshqaruvning zamonaviy tamoyillarini joriy etish, bozor mexanizmlariga o‘tish va raqobatbardoshlikni oshirish maqsadida 2020-yilda O‘zbekiston Respublikasi Prezidentining «Navoiy kon-metallurgiya kombinati» davlat korxonasini isloh qilish chora-tadbirlari to‘g’risida»gi qarori qabul qilindi. Kompaniyani transformatsiya qilish loyihasi natijasida 2021-yilda «NKMK» davlat korxonasi uchta korxonaga, jumladan «NKMK» AJ, «Navoiyuran» davlat korxonasi va «NKMK jamg‘armasi» DMga bo‘lindi.
Korporativ boshqaruv sohasidagi transformatsiya jarayonlari hozirgi kungacha kompaniyada amalga oshirilmoqda.
Aksiyadorlarning umumiy yig’ilishi
«Navoiy kon-metallurgiya kombinati» aksiyadorlik jamiyati Ustaviga muvofiq aksiyadorlarning umumiy yig‘ilishi Jamiyatning yuqori boshqaruv organidir.
O‘zbekiston Respublikasi Iqtisodiyot va moliya vazirligi «Navoiy kon-metallurgiya kombinati» aksiyadorlik jamiyati ustav kapitalidagi davlat ulushining aksiyadori funksiyasini bajarmoqda.
Strategik yondashuv
NKMK uzoq muddatli rivojlanish va barqarorlikka asoslanib boshqaruvning strategik yondashuviga amal qiladi. Kompaniyaning barqaror o‘sishi va ishlab chiqarish ko‘rsatkichlarini ta’minlash uchun innovatsiyalar, ishlab chiqarish jarayonlarini modernizatsiyalash va investitsiyalarni jalb qilish muhim ahamiyatga ega.
«NKMK» AJ mamlakatimizdagi eng yirik sanoat korxonasi bo‘lib, O‘zbekiston Respublikasining iqtisodiy o‘sishi va ijtimoiy rivojlanishiga salmoqli hissa qo‘shmoqda. Ushbu maqom barqaror rivojlanish masalalariga yondashish, xodimlar, aksiyador, jamoat va davlat tashkilotlari vakillari, mijozlar va hamkorlar bilan o‘zaro munosabatlarni o‘rnatishda yuksak mas’uliyatni belgilaydi. Shu sababli, strategik qarorlar qabul qilish va keyingi rivojlanish rejalarini ishlab chiqishda biz doimo manfaatdor tomonlarning manfaatlarini hisobga olamiz.