Zarafshonda kombinat ishchi-xodimlari uchun marafon o‘tkazildi
Yaratildi: 09.09.2022
Yangilandi: 09.09.2022
O'qildi: 3731
Zarafshonda kombinat ishchi-xodimlari uchun marafon o‘tkazildi
8-sentabr kuni Zarafshon shahrida O‘zbekiston Respublikasi davlat mustaqilligining 31 yilligi munosabati bilan “NKMK” AJ Markaziy kon boshqarmasi va “NKMK jamg‘armasi” DM “Zarafshon” hududiy boshqarmasida mehnat qilayotgan yuzlab ishchi-xodimlar o‘rtasida “Yangi O‘zbekistonda el aziz, inson aziz!” shiori ostida ommaviy yugurish marafoni o‘tkazildi.
Bellashuv oldidan ishtirokchilar ikki guruhga, yaʼni, erkaklar va ayollar 18-35 yoshlilar va 35-50 yoshlilar guruhiga saralandi. Shundan so‘ng mehnat jamoalari o‘rtasida sog‘lom turmush tarzini keng targ‘ib etish, sportni ommalashtirish nazarda tutilgan musobaqaga start berildi. “Oltin vodiy” madaniyat uyi oldidagi maydondan boshlangan marafon Zarafshondagi markaziy o‘yingohda yakunlandi.
Yakuniy natijalarga ko‘ra, erkaklar o‘rtasida 18-35 yoshlilar guruhida “NKMK” 2-gidrometallurgiya zavodi ishchisi B.Jusibekov, 35-50 yoshlilar guruhida “NKMK” “Muruntov” koni ekskavator mashinisti S.Bobomurodov hamda ayollar o‘rtasida 18-35 yoshlilar guruhida “NKMK jamg‘armasi” DM Tibbiy-sanitariya qismi hamshirasi B.Qo‘shmurodova, 35-60 yoshlilar guruhida “NKMK jamg‘armasi” “Alpomish” sport majmuasi xodimi E.Saparbayevalar g‘oliblikni qo‘lga kiritishdi.
Musobaqa so‘nggida 3-Birlashgan kasaba uyushma qo‘mitasi tomonidan televizor, mikroto‘lqinli pech va velosiped kabi qimmatbaho sovg‘alar bilan taqdirlandi.