Mehnat muhofazasi va xavfsizlik texnikasini taʼminlash – ustuvor vazifa
Yaratildi: 06.03.2024
Yangilandi: 06.03.2024
O'qildi: 1963
Mehnat muhofazasi va xavfsizlik texnikasini taʼminlash – ustuvor vazifa
“Navoiy kon-metallurgiya kombinati” AJda inson hayoti, sog‘ligi bilan bog‘liq bo‘lgan mehnat muhofazasi va xavfsizlik texnikasini taʼminlash muhim ahamiyat kasb etadi.
Ishlab chiqarishda yuzaga kelishi mumkin bo‘lgan baxtsiz hodisalar va kasbiy kasalliklarning oldini olish maqsadida kombinat bo‘linmalaridagi ish jarayonida mehnat muhofazasi va xavfsizlik texnikasining muhim talablariga amal qilish holati doimiy nazoratda.
Shu maqsadda 6-mart kuni “NKMK” AJ boshqarmasida kombinat maʼmuriyati va kasaba uyushmasi Kengashining mehnat muhofazasi va xavfsizlik texnikasining 2023-yildagi va joriy yilning yanvar, fevral oylaridagi holati yuzasidan videoselektor yig‘ilishi o‘tkazildi.
Mazkur yig‘ilishda kombinat rahbariyati, kasaba uyushmasi Kengashi vakillari, bo‘linmalar rahbarlari va yetakchi mutaxassislari, mehnat muhofazasi va xavfsizlik texnikasi bo‘yicha masʼul xodimlari ishtirok etishdi.
Tadbirda kombinat korxonalarida ish joylarining holati, ishni xavfsiz bajarish uchun yaratilgan shart-sharoitlar, mehnat muhofazasi qoidalari talablarining buzilish holatlari, ularni oldini olish bo‘yicha qilingan ishlar bo‘yicha masʼul xodimlarning axborotlari tinglandi. Shuningdek, mehnat muhofazasiga bog‘liq boshqa masalalar ham ko‘rib chiqildi.