“NKMK” AJ 2023-yil yakunlari bo‘yicha “Ochiqlik indeksi”da yuqori ko‘rsatkichni qayd etdi
Yaratildi: 02.04.2024
Yangilandi: 02.04.2024
O'qildi: 2186
“NKMK” AJ 2023-yil yakunlari bo‘yicha “Ochiqlik indeksi”da yuqori ko‘rsatkichni qayd etdi
O‘zbekiston Respublikasi Korrupsiyaga qarshi kurashish agentligi tomonidan davlat organlari va tashkilotlarida 2023-yilda ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan “Ochiqlik indeksi” natijalari eʼlon qilindi.
Ikkinchi bor eʼlon qilingan “Ochiqlik indeksi” 84 ta baholash mezonidan tarkib topgan 8 ta indikator asosida shakllantirildi. Indeksda samaradorlik ko‘rsatkichlari 71 balldan 100 ballgacha to‘plaganlar – “yashil”, 55 balldan 71 ballgacha bo‘lganlar – “sariq” va 55 balldan past ko‘rsatkich qayd etganlar – “qizil” toifalarga kiritildi.
“Ochiqlik indeksi”ning yakuniy natijalariga ko‘ra, “Navoiy kon-metallurgiya kombinati” AJ 84,7 ball bilan eng yuqori samaradorlik ko‘rsatkichlaridan birini qayd etib, 5-o‘rinni egalladi. Aksiyadorlik jamiyatlari kesimida esa NKMK 32 ta yirik sanoat korxonalari hamda kompaniyalar orasida 2-o‘ringa sazovor bo‘ldi.
Shuni alohida taʼkidlash joizki, O‘zbekiston Respublikasi Prezidentining 2022-yil 14-iyundagi “Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari to‘g‘risida”gi Farmoniga muvofiq, kombinat faoliyatida ochiqlik va shaffoflik, axborot olish erkinligini taʼminlash borasida tizimli ishlar amalga oshirilmoqda. Jumladan, “NKMK” AJning www.ngmk.uz rasmiy veb-saytining alohida “Ochiq maʼlumotlar” bo‘limida 8 ta yo‘nalish bo‘yicha ochiq maʼlumotlar joylashtirilib borilmoqda.
Kombinat bunday eʼtirofga munosib topilganligi korxona faoliyatida ochiqliq va shaffoflikni taʼminlash muhim ahamiyat kasb etishining tasdig‘idir.