• Yaratildi: 16.05.2024
• Yangilandi: 16.05.2024
• O'qildi: 974

Ishchi-xodimlarning huquqiy savodxonligi oshirilmoqda

“Navoiy kon-metallurgiya kombinati” AJda korrupsiyaga qarshi kurash siyosati qabul qilingan bo‘lib, uning ijrosi bo‘yicha tizimli ishlar olib borilmoqda.

Xususan, kombinat bo‘linmalarida ishchi-xodimlarning huquqiy savodxonligini oshirish bo‘yicha tadbirlar tashkil etilmoqda. Janubiy kon boshqarmasida “Korrupsiyaga qarshi kurash siyosati”, “Monopoliyaga qarshi komplayens tizimi”, “Odob-axloq qoidalari”, “Biz korrupsiyaga qarshimiz” va “Ogohlik davr talabi” mavzularida o‘quv-seminar o‘tkazildi.

Seminarda “NKMK” AJ Komplayens xizmati vakillari, Janubiy kon boshqarmasi mutaxassislari tomonidan mavzularga oid maʼruzalar qilinib, mamlakatimizda korrupsiyaga qarshi kurashish bo‘yicha olib borilayotgan amaliy ishlar va kombinatda xodimlarning Odob-axloq kodeksiga amal qilishi to‘g‘risida fikr-mulohazalar bildirildi.  

- Bunday targ‘ibot tadbirlari, biz, yoshlarni korrupsiya va uning salbiy oqibatlari haqida xabardor etib, ogohlik, odob-axloq qoidalariga amal qilishga chorlab kelayapti, - deydi Janubiy kon boshqarmasi yoshlar yetakchisi Timur Qalandarov. - O‘ylaymanki, seminarda maslahat va daʼvat ruhidagi chiqishlarni tinglagan va har qanday jinoyatga jazo muqarrarligini chuqur anglagan inson birinchi navbatda hushyor bo‘ladi, har xil yo‘llarga kirib ketishdan o‘zini tiyadi. Bugungi tadbirda yoshlar bu haqida yana-da ko‘proq maʼlumotlarga ega bo‘ldi.   

Shuningdek, seminarda ishchi-xodimlar o‘rtasida savolnomalar o‘tkazilib, mavzuga oid videorolik namoyish etildi.

“NKMK” AJ Matbuot xizmati.