• Yaratildi: 09.08.2024
• Yangilandi: 09.08.2024
• O'qildi: 686

“NKMK” AJ tog‘-kon sanoatidagi Xalqaro ayollar tashkiloti (“IWiM”) bilan hamkorlik o‘rnatdi

“NKMK” AJ “International Women in Mining” (“IWiM” – tog‘-kon sanoatidagi Xalqaro ayollar tashkiloti)ga O‘zbekistondan qo‘shilgan birinchi hamkor kompaniya bo‘ldi.

Ushbu hamkorlik kompaniyada gender tenglik va xotin-qizlar huquqlarini kengaytirish muhim ahamiyat kasb etishidan dalolatdir. Ko‘p yillar davomida gender tenglik kompaniya faoliyatida muhim rol o‘ynaydi. Mamlakatdagi yirik ish beruvchilardan biri sifatida, jami 6 261 nafar xotin-qiz (ishchi-xodimlarning qariyb 13 foizi), NKMK tomonidan konchilik sohasida ayollar uchun qo‘shimcha imkoniyatlar yaratishga eʼtibor qaratishini namoyish etadi.

2020-yildan buyon kompaniya “Gender tenglik va ayollar huquqlarini rag‘batlantirish tamoyillari”ni amalga oshirib kelmoqda. Shuningdek, kombinatda gender tenglikni ta’minlash bo‘yicha tashabbuslarni ilgari surish uchun mas’ul bo‘lgan Ayollar Kengashi tuzildi. Ayollar huquqlarini targ‘ib etish va himoya qilish, ularni o‘qitish va malakasini oshirish imkoniyatlarini kengaytirish maqsadida uchrashuv va tadbirlar o‘tkazilmoqda.

Hamkorlik kompaniyaga “IWiM”ning keng bilim bazasi, tashkilotning global aloqalar tarmog‘i va gender tengligi bo‘yicha soha tadqiqotlarida ishtirok etish imkonini beradi. “IWiM”ning xalqaro tajribasi va resurslaridan foydalanish “NKMK” AJda tog‘-kon sanoatida ayollarning kasbiy o‘sishi va yetakchilik fazilatlarini rivojlantirishga ko‘maklashuvchi qulay bazani rivojlantirishga qo‘maklashadi.

Kompaniyaning gender xilma-xilligini targ‘ib qilish va ayollarning iqtisodiy imkoniyatlarini kengaytirishga intilishi korxonada hozirda amalga oshirilayotgan barqaror rivojlanishning ustuvor yo‘nalishlari sifatida belgilangan va O‘zbekistonning adolatli va barqaror kelajak yaratish bo‘yicha global sa’y-harakatlari va strategiyasiga mos keladi.

“International Women in Mining” (“IWiM”) – tog‘-kon sanoatidagi Xalqaro ayollar tashkiloti 2007-yilda Buyuk Britaniyaning London shahrida tashkil etilgan xalqaro notijorat tashkilotdir. “IWiM” tog‘-kon sanoatida gender tenglik sohasidagi global o‘zgarishlarni qo‘llab-quvvatlash va rag‘batlantirish bo‘yicha ishlaydi va bugungi kunda butun dunyo bo‘ylab 70 dan ortiq soha tashkilotlarini birlashtiradi.

“NKMK” AJ Matbuot xizmati.