Kombinat ishchi-xodimlari uchun yugurish marafoni o‘tkazildi
Yaratildi: 24.08.2024
Yangilandi: 24.08.2024
O'qildi: 654
Kombinat ishchi-xodimlari uchun yugurish marafoni o‘tkazildi
O‘zbekiston Respublikasi davlat mustaqilligining 33 yilligi munosabati bilan Navoiy shahridagi “Yoshlik” ko‘lida “Bir bo‘lsak – yagona xalqmiz, birlashsak – Vatanmiz!” shiori ostida “Navoiy kon-metallurgiya kombinati” AJ, “Navoiyuran” DK, “NKMK jamg‘armasi” DM ishchi-xodimlari o‘rtasida ommaviy yugurish marafoni o‘tkazildi.
Bellashuv oldidan ishtirokchilar ikki guruhga, yaʼni, erkaklar vа ayollar 45 yoshgacha va 45 yoshdan kattalar guruhlariga saralandi. Shundan so‘ng ishchi-xodimlar o‘rtasida sog‘lom turmush tarzini keng targ‘ib etish, sportni ommalashtirish nazarda tutilgan musobaqaga start berildi.
Ishtirokchilar to‘liq yugurish qoidalariga rioya etgan holda sunʼiy ko‘l bo‘ylab belgilangan yo‘nalishda harakatlandi.
Erkaklar o‘rtasida 45 yoshgacha guruhida “NKMK” AJ “Qizilqum” kon boshqarmasi ishchisi R.Aliqulov, 45 yoshdan kattalar guruhida “NKMK” AJ “Qizilqum” kon boshqarmasi ishchisi J.O‘roqov hamda ayollar o‘rtasida 45 yoshgacha guruhida “NKMK jamg‘armasi” DM Tibbiy-sanitariya bo‘limi xodimi N.Turniyozova, 45 yoshdan kattalar guruhida “NKMK” AJ Markaziy moddiy-texnik bazasi xodimi D.Rahimovalar go‘liblikni qo‘lga kiritishdi.
Musobaqa so‘nggida NKMK xodimlari kasaba uyushmasi Kengashi tomonidan marafon go‘liblari qimmatbaho sovg‘alar bilan taqdirlandi.