• Yaratildi: 16.09.2024
• Yangilandi: 16.09.2024
• O'qildi: 423

Navbatdagi fuqarolar qabuli o‘tkazildi

Aholi va ishchi-xodimlar bilan ochiq muloqot qilish, ularning muammolarini aniqlash va bevosita joyida hal etish maqsadida “NKMK” AJ Boshqaruvi raisi – Bosh direktori Q.Sanaqulovning navbatdagi qabuli kombinat boshqarmasida o‘tkazildi.

Qabulda ishga joylashish, ishini qo‘chirish, farzandini davolashda amaliy yordam ko‘rsatish, mehnat faoliyatini davom ettirishiga ruxsat berish kabi masalalar yuzasidan 20 nafar fuqaroning murojaatlari ko‘rib chiqildi.

Fuqarolarning ishga joylashish bo‘yicha murojaatlariga kombinatda tanlov asosida ishga qabul qilish tizimi joriy etilganligi, unga ko‘ra murojaatchilar sinov imtihonlarida ishtirok etishi va o‘tkazilgan sinov jarayonida to‘plagan ball natijalari asosida ishga joylashish masalasi o‘rnatilgan tartibda ko‘rib chiqilishi to‘g‘risida tushuntirishlar berildi.

Mazkur qabulda murojaatlarning bir qismiga o‘z joyida yechim topilgan bo‘lsa, qolgan murojaatlar atroflicha o‘rganish va asoslantirilgan javob berish uchun tegishli mutasaddilarga yo‘naltirildi.

“NKMK” AJ Matbuot xizmati.