“Yilning eng faol yosh mutaxassisi” ko‘rik-tanlovi g‘oliblari taqdirlandi
Yaratildi: 19.11.2021
Yangilandi: 06.09.2022
O'qildi: 2590
“Yilning eng faol yosh mutaxassisi” ko‘rik-tanlovi g‘oliblari taqdirlandi
Navoiy shahridagi “Farhod” madaniyat saroyida O‘zbekiston kasaba uyushmalari kuniga bag‘ishlab tashkil etilgan bayram tadbirida Navoiy kon-metallurgiya kombinati ishchi-xodimlari o‘rtasida o‘tkazilgan “Yilning eng faol yosh mutaxassisi” anʼanaviy ko‘rik-tanlovi nominatsiyalari g‘oliblari taqdirlandi.
Ushbu tanlov kombinat bo‘linmalarida ishlaydigan iqtidorli yoshlarni aniqlash va har tomonlama yetuk mutaxassis bo‘lib kamol topishga bo‘lgan intilishlarini qo‘llab-quvvatlash, ularni rag‘batlantirish, kasbiy mahorati va bilim darajasini oshirish, tanlagan kasbiga hurmat va faxr tuyg‘usini yuksaltirishga qaratilgan.
Yakuniy natijalar quyidagicha bo‘ldi.
“Yilning eng faol yosh mutaxassisi” ko‘rik-tanlovi
nominatsiyalari g‘oliblari:
“Eng faol yosh konchi” – Markaziy kon boshqarmasi “Muruntov” shaxtasi konchilik byurosi boshlig‘i Zohid Omonov.
“Eng faol yosh metallurg” – Shimoliy kon boshqarmasi 3-GMZ bosh texnologi Shahobiddin Ahmedov.
“Eng faol yosh energetik” – Janubiy kon boshqarmasi Tarmoqlar va nimstansiyalar sexi markaziy elektrolaboratoriya boshlig‘i Muhammad Yunusov.
“Eng faol yosh geolog” – “1-GMZ” kon boshqarmasi geologiya xizmati muhandis-geologi Asliddin Sulaymanov.
“Eng faol yosh mashinasoz” – Markaziy kon boshqarmasi 2-GMZ maʼdan tayyorlash sexi kompressor uchastkasi boshlig‘i Farruh Xalimov.
“Eng faol yosh transportchi” – Markaziy kon boshqarmasi Temir yo‘l transporti boshqarmasi ishchisi Ozodjon Rahmatullayev.
“Eng faol yosh kimyogar” – Markaziy kon boshqarmasi “Muruntov” koni Markaziy gamma-aktivlashtirilgan tahlilli laboratoriyasi boshlig‘i Alisher Qo‘ldoshev.
“Eng faol yosh dasturchi” – NKMK Axborot-kommunikatsiya texnologiyalari boshqarmasi muhandis-dasturchisi Husen Ravshanov.
“Eng faol yosh shifokor” – “NKMK jamg‘armasi” davlat muassasasi “Zafarobod” hududiy boshqarmasi 5-tibbiy-sanitariya qismi poliklinikasi asab shifokori Alesya Muratova.
“Eng faol yosh sport murabbiyi” – “NKMK jamg‘armasi” davlat muassasasi “Navoiy” hududiy boshqarmasi “So‘g‘diyona” jismoniy tarbiya va sport klubi badiiy gimnastika bo‘yicha murabbiyi Farangiz Ahmedova.
“Eng faol yosh madaniyat xodimi” – “NKMK jamg‘armasi” davlat muassasasi “Zafarobod” hududiy boshqarmasi “Yoshlik” madaniyat va sport markazi badiiy bezak ishlarini bajaruvchisi Madadjon Qo‘ldoshev.
Tanlov g‘oliblariga diplom va qimmatbaho sovg‘alar topshirildi.