Kombinat yoshlari ishtirokidagi ekologik aksiya tafsilotlari
Yaratildi: 14.03.2022
Yangilandi: 14.03.2022
O'qildi: 2270
Kombinat yoshlari ishtirokidagi ekologik aksiya tafsilotlari
10-14-mart kunlari “Navoiy kon-metallurgiya kombinati” aksiyadorlik jamiyati, “Navoiyuran” davlat korxonasi, “NKMK jamg‘armasi” davlat muassasasi va Navoiy davlat konchilik institutidan 100 nafarga yaqin yoshlarning “Yashil makon” loyihasi doirasida “Yashil yillik” umummilliy tadbirida faol ishtirok etish uchun Qoraqalpogʻiston Respublikasi Moʻynoq tumanida ekologik aksiyasi o'tkazildi.
Ekologik aksiyaning 1-kunida NKMK yoshlar yetakchilari Kengashi raisi S.Rajabov boshchiligidagi tadbir ishtirokchilari Mo'ynoq shahridan 70 kilometr uzoqlikda joylashgan Orol dengizining qurigan qismida 30 mingtadan ortiq saksovul ko'chatlarini o'tqazishdi.
2-kunda tadbir ishtirokchilari Mo'ynoq tumanidagi 1, 2, 3, 4 va 8-umumta'lim maktablarida bo'lib, iqtidorli va ijodkor o'quvchilar bilan suhbatlashishdi. Ushbu maktablarga “NKMK” AJ tomonidan zamonaviy kompyuter jamlanmalar, 12,5 mingta elektron kitoblar va esdalik sovg‘alar topshirildi.Shuningdek, NKMK yoshlari va Mo'ynoq tumanidagi yoshlar o'rtasida “Zakovat” intellektual o'yini va voleybol sport turi bo'yicha musobaqa tashkil etildi.
Aksiyaning 3-kunida tadbir ishtirokchilari Mo‘ynoqdagi “Kemalar qabristoni”da bo‘lishdi. Shuningdek, ular tomonidan "Yashil yillik" ummumilliy tadbiri doirasida Mo'ynoq tumani hududida 100 tup manzarali daraxt ko'chatlari, Orolning qurigan qismida 12 mingtadan ortiq saksovul ko'chatlari o'tqazildi.