Kombinat vakillari “Mehnat faxriysi” ko‘krak nishoniga sazovor bo‘lishdi
Yaratildi: 23.05.2022
Yangilandi: 23.05.2022
O'qildi: 2273
Kombinat vakillari “Mehnat faxriysi” ko‘krak nishoniga sazovor bo‘lishdi
O‘zbekiston Respublikasi Prezidentining 2017-yil 14-iyuldagi “Mehnat faxriysi” ko‘krak nishonini taʼsis etish to‘g‘risida”gi qaroriga muvofiq, har yili mamlakatimizning iqtisodiyot, ishlab chiqarish, ilm-fan, madaniyat, taʼlim, sog‘liqni saqlash, yurisprudensiya va boshqa sohalarida ko‘p yillar davomida halol va samarali mehnat qilgan pensiya yoshidagi yurtdoshlarimiz “Mehnat faxriysi” ko‘krak nishoni bilan taqdirlanib kelinmoqda.
2022-yilda taqdirlanganlar orasida kombinat vakillari – “NKMK” AJ boshqarmasi jismoniy va yuridik shaxslarning murojaatlariga oid ishlarni nazorat qilish va muvofiqlashtirish bo‘limi boshlig‘i Shavqiddin Idiyev (I darajali “Mehnat faxriysi” ko‘krak nishoni) hamda Markaziy kon boshqarmasi 7-avtokorxonasida mehnat qilib, hozirda nafaqada bo‘lgan Baxtiyor Negovlar (II darajali “Mehnat faxriysi” ko‘krak nishoni) borligi biz uchun alohida quvonarlidir.
Faxriylarimizni mukofot bilan samimiy tabriklaymiz!