Innovatsiyalar
Innovatsiyalar va yangi texnologiyalarni rivojlantirishga doimiy intilish kompaniya faoliyatining asosiy tamoyilidir.
NKMK o‘z faoliyatini ilmiy ishlanmalar va innovatsion yechimlar bilan chambarchas bog‘liq holda amalga oshiradi. Ishlab chiqarish va boshqaruvning turli jabhalariga yangi yondashuvlarni joriy etish nafaqat mehnat unumdorligini oshirish, balki korxonalarimizdagi xavfsizlik darajasini sezilarli darajada oshirish, atrof-muhitga ta’sirni minimallashtirish va barqaror o‘sishni ta’minlash imkonini beradi.
Innovatsiya drayverlari
Bilim
NKMK xodimlari doimiy ravishda ilmiy-texnik nashrlar bilan ish olib boradilar
2023-yilda 70 tadan ortiq maqola respublika ilmiy-texnik jurnallarda chop etildi
“Scopus” xalqaro ilmiy-texnik ma’lumotlar bazasiga kiruvchi jurnallardagi («Цветные металлы», «Горный журнал», «Горный информационно-аналитический бюллетень») maqolalar
Kombinatning “O‘zbekiston konchilik xabarnomasi” ilmiy-texnika va ishlab chiqarish jurnali O‘zbekiston Respublikasi Oliy attestatsiya komissiyasi tomonidan tan olingan va “Ulrich’s Periodicals Directory”ga ham kiritilgan.
Kompaniya noyob akademik bazaga ega — bugungi kunda kombinat xodimlari qatorida 8 nafar fan doktori va 18 nafar fan nomzodi faoliyat yuritmoqda.
Tadqiqot va ishlanmalar
Asosiy yutuqlar
2017-yil
O‘zbekiston Respublikasi kon-metallurgiya sanoati tarixida ilk marotaba NKMK mutaxassislari murakkab tarkibli, qayta ishlash qiyin bo‘lgan rudalardan oltin ajratib olishning yangi texnologiyasini yaratganliklari uchun Birlashgan Millatlar Tashkiloti Butunjahon intellektual mulk tashkilotining Oltin medaliga sazovor bo‘lishdi.
2022-yil
“NKMK” AJ mutaxassislari Q.Sanaqulov, N.Snitka, R.Usmanov, U.Ergashev va O.Mustaqimovlar “Texnologik va ishlanishi murakkab bo‘lgan oltin tarkibli maʼdanlarni qayta ishlash va o‘zlashtirishning kompleks texnologiyalarini ishlab chiqish va joriy etish” bo‘yicha ilmiy-amaliy ishlanmasi uchun fan va texnika sohasida birinchi darajali Davlat mukofoti bilan taqdirlandi.
Ishchi-xodimlar uchun tashabbuslar
- Har yilda o‘tkaziladigan “Eng yaxshi ratsionalizatorlik taklifi” tanlovi
- “Yosh ratsionalizatorlar va ixtirochilar klubi”
Innovatsion faoliyatning
asosiy yo’nalishlari
Raqamlashtirish
“O‘zbekiston — 2030” strategiyasi iqtisodiyot tarmoqlari va ijtimoiy xizmatlarni raqamlashtirish darajasi yuqori bo‘lgan axborot jamiyatini barpo etish maqsadini belgilab berdi.
NKMK ushbu yo‘nalishda tog‘-kon sanoatini rivojlantirish va ish samaradorligi, sifati va xavfsizligini oshirish uchun axborot texnologiyalarini joriy etishda yetakchilik yondashuvini namoyish etmoqda.
So‘nggi uch yilda NKMK mutaxassislari tomonidan 200 ga yaqin ishlab chiqarish va boshqaruv vazifalarini bajaradigan 20 dan ortiq axborot tizimlari ishlab chiqildi. 2021-2023-yillarda raqamli transformatsiya dasturi doirasida ishlab chiqarish va boshqaruv jarayonlariga raqamli texnologiyalarni joriy etish bo‘yicha 40 dan ortiq tadbirlar amalga oshirildi.
Innovatsion raqamlashtirishning
asosiy yo‘nalishlari
Kon-geologik axborot tizimlarini joriy etish
Kon ishlarini raqamli boshqarish
Ma’danni qayta ishlash texnologik jarayonlarida sun’iy intellekt tizimlaridan foydalanish
Qayta ishlash jarayonlariga innovatsion texnologiyalarni joriy etish / MES tizimlarini joriy etish
Biznes analitikasi (BI) vositalarini qo’llashni kengaytirish