Yaqinda Q.Sanaqulov, U.Sharafutdinov, B.Xolmurodov, Sh.Aliqulov muallifligidagi “Qimmatbaho, rangli metallar va radioaktiv elementlarni qazib olish, qayta ishlash jarayonidan namuna olish, tahlil va nazorat qilish” (“Пробоотбор, анализ, контроль процесса добычи, переработки благородных, цветных металлов и радиоактивных элементов”) monografiyasi nashr etildi.

Unda qimmatbaho, rangli metallar va radioaktiv elementlarning fizik-kimyoviy xususiyatlari, maʼdanni boytish va metallurgik qayta ishlashdan namuna olish va tahlil qilishning asosiy usullari va sxemalari batafsil tavsiflangan.

Kitobda maʼdan va boyitish mahsulotlarining harakatsiz va harakatlanuvchi massalarini sinash tamoyillari va usullari keltirilgan. Namunalarni qayta ishlashning nazariy asoslari va usullari berilgan. Boyitishning asosiy parametrlarini qo‘lda va avtomatik nazorat qilishning usullari, nazorat va o‘lchash asboblarining avtomatik namunalari xususiyatlari va qurilmalari hamda nazorat maʼlumotlarini qayta ishlash usullari ko‘rsatilgan. Tahliliy nazoratning avtomatlashtirilgan tizimlarini rivojlantirishga katta eʼtibor qaratilgan.

Ushbu kitob boyitish fabrikalari, gidrometallurgiya zavodlari, geotexnologik konlar muhandis-texnik xodimlari, texnik nazorat bo‘limlari, ilmiy tadqiqot laboratoriyalari xodimlari, kon-metallurgiya va kimyo yo‘nalishlaridagi oliy taʼlim muassasalari professor-o‘qituvchilari va talabalariga mo‘ljallangan.

“NKMK” AJ Matbuot xizmati.