Navoiy shahrida 25 iyun kuni O‘zbekiston yoshlar ittifoqi NKMK yoshlar yetakchilari Kengashi va Maʼnaviyat va maʼrifat markazi tomonidan “Yoshlar oyligi” doirasida tashkil etilgan “Zakovat” intellektual video onlayn tanlovi yakuniga yetdi.

Bellashuvning final bosqichida kombinatning Markaziy moddiy-texnik bazasi (Navoiy sh.) va Navoiy mashinasozlik zavodi jamoalari o‘zaro bahslashdilar. Qizg‘in kechgan bahsda Navoiy mashinasozlik zavodining “Mashinasozlar” jamoasi g‘oliblikni qo‘lga kiritdi. Markaziy moddiy-texnik bazasi “Yosh deklarantlar” jamoasi esa ikkinchi o‘rinni egalladi. Uchinchi o‘rin uchun kechgan bahsda Markaziy loyihalashtirish byurosi jamoasi munosib ekanligini isbotladi.

NKMK Matbuot markazi