1-3-oktabr kunlari Navoiy shahrida “NKMK” AJ rahbariyati, kon boshqarmalari rahbarlari, kombinat boshqarma va bo‘limlari boshliqlari, “NKMK jamg‘armasi” DM va Navoiy davlat konchilik va texnologiyalar universiteti rahbariyati uchun kon-metallurgiya korxonasining strategik boshqaruvi, strategiyani ishlab chiqish va amalga oshirish asoslari bo‘yicha nazariy va uslubiy bilimlar kompleksini shakllantirishga qaratilgan o‘quv o‘tkazilmoqda.

Ushbu o‘quv M.Lomonosov nomidagi Moskva davlat universitetining Murakkab tizimlar matematik tadqiqotlari instituti Strategik tadqiqotlar markazi vakillari tomonidan o‘tkazilmoqda.

O‘quv dasturining asosiy vazifalari quyidagilardan iborat:
– tinglovchilarda strategik fikrlash asoslarini shakllantirish;
– tinglovchilarni strategiya nazariyasi va strategiyalash metodologiyasining asosiy tamoyillari bo‘yicha o‘qitish;
– strategiyani ishlab chiqish va amalga oshirishning asosiy elementlari va bosqichlari bo‘yicha o‘qitish;
– tarmoq, mintaqaviy va funktsional strategiyalarni ishlab chiqish va amalga oshirish asoslari bo‘yicha o‘qitish;
– strategik boshqaruv va strategik yetakchilik asoslari bo‘yicha o‘qitish.

Taʼkidlash kerakki, kombinat va Moskva davlat universitetining Murakkab tizimlar matematik tadqiqotlari instituti Strategik tadqiqotlar markazi o‘rtasidagi ikki tomonlama hamkorlik xorijiy mutaxassislarning joriy yilning fevral oyida “NKMK” AJga amalga oshirgan tashrifi natijasida yo‘lga qo‘yilgan edi.

“NKMK” AJ Matbuot xizmati.