“Navoiy kon-metallurgiya kombinati” AJ tomonidan xalqaro kapital bozorlarida moliyalashtirishni jalb qilish va kombinatning investitsiya loyihalarini moliyalashtirish bo‘yicha olib borilayotgan ishlar doirasida kombinat rahbariyati va Fransiyaning “Societe Generale” banki vakillari o‘rtasida uchrashuv bo‘lib o‘tdi.

Uchrashuv doirasida “NKMK” AJ hamda “Societe Generale” banki o‘rtasidagi o‘zaro hamkorlikni yana-da rivojlantirish, xalqaro kapital bozoridagi konyunktura va kombinatning investitsiya loyihalari uchun moliyalashtirishni jalb qilish masalalari muhokama qilindi.

Muloqot davomida bosh direktorning transformatsiya masalalari bo‘yicha birinchi o‘rinbosari Ye.Antonov, bosh direktorning iqtisod va moliya bo‘yicha o‘rinbosari J.Hasanovlar tomonidan bugungi kunda korxona faoliyatida amalga oshirilayotgan transformatsiya jarayonlari, ishlab chiqarishni raqamlashtirish bo‘yicha loyihalar, shuningdek so‘nggi yillarda ishga tushirilgan yangi investitsiya loyihalari hamda erishilgan yutuqlar to‘g‘risida maʼlumot berildi.

“NKMK” AJ Matbuot xizmati.