Kombinat boshqarmasida “Navoiy kon-metallurgiya kombinati” AJ rahbariyati va “O‘zbekiston texnologik metallar kombinati” AJ delegatsiyasi vakillari o‘rtasida uchrashuv o‘tkazildi.

Uchrashuvda mutaxassislar tomonidan kombinat iqtisodiy, innovatsion salohiyati, korxona rivojlanishiga qaratilgan istiqbolli loyihalar to‘g‘risida batafsil maʼlumot berildi.

Muloqot davomida “NKMK” AJ Boshqaruvi raisi – Bosh direktori Q.Sanaqulov va “O‘zbekiston texnologik metallar kombinati” AJ Boshqaruvi raisi F.Abdullayevlar tomonidan birgalikda yangi innovatsion loyihalarni amalga oshirish, Navoiy davlat konchilik va texnologiyalar universiteti bilan hamkorlikda ilmiy izlanishlar olib borish, o‘zaro manfaatli ilmiy aloqalarni yanada kengaytirishning ustuvor yo‘nalishlari haqida fikr bildirildi.

Shuningdek, kadrlar malakasini oshirish, ilm-fan va innovatsiyani rivojlantirish, o‘zaro tajriba almashish bilan bog‘liq qator masalalar muhokama qilindi.

“NKMK” AJ Matbuot xizmati