17-20-sentabr kunlari Toshkent shahrida raqamli texnologiyalar sohasida Markaziy Osiyodagi eng katta tadbirlardan biri – “ICTWeek Uzbekistan – 2024” axborot-kommunikatsiya texnologiyalari haftaligi o‘tkazilmoqda.

Mazkur xaftalik davomida raqamlashtirish va davlat xizmatlari, IT investitsiya imkoniyatlari, davlat-xususiy sheriklik, IT taʼlim, AKT sohasida biznes hamkorlikni mustahkamlash kabi mavzularda 20 ga yaqin yirik forum va ko‘rgazmalar tashkil etildi.

“ICTWeek Uzbekistan – 2024” АКТ haftaligi doirasida bo‘lib o‘tayotgan tadbirlarda “Navoiy kon-metallurgiya kombinati” AJ vakillari – Axborot-kommunikatsiya texnologiyalari boshqarmasi boshlig‘ining o‘rinbosarlari B.Bozorov va R.Xayrullinlar ishtirok etmoqda.

Kombinat mutaxassislari xorijiy IT kompaniyalar vakillari bilan uchrashib, ikki tomonlama hamkorlik qilish masalalarini muhokama etmoqda. Ushbu uchrashuvlarda kompaniya vakillari tomonidan “NKMK” AJda “Raqamli O‘zbekiston – 2030” strategiyasi doirasida ishlab chiqarishni raqamlashtirish, yangi texnologiyalar, zamonaviy axborot tizimlari hamda dasturiy mahsulotlarni joriy etish bo‘yicha keng ko‘lamli ishlar olib borilayotganligi to‘g‘risida maʼlumot berildi.

“NKMK” AJ Matbuot xizmati.