2024-yilda “Navoiy kon-metallurgiya kombinati” AJ tomonidan Mahalliylashtirish dasturi doirasida 183 ta loyiha bo‘yicha 916 mlrd. so‘mlik mahalliylashtirilgan mahsulot ishlab chiqarildi. 2023-yilga nisbatan o‘sish sur’ati 145,5 foizni tashkil etdi.

Mahalliylashtirilgan mahsulotlar ishlab chiqarishda Navoiy mashinasozlik zavodi alohida ahamiyatga ega. Mazkur zavodda 15 ming turdan ortiq mahalliylashtirilgan mahsulot o‘zlashtirilgan va uning 97 foizi NKMK ehtiyoji uchun yo‘naltirilmoqda.

Yirik mahalliylashtirilgan mahsulotlarga sharli maydalash tegirmonlari, masofada boshqariladigan avtomatlashtirish tizimlari asosida ishlovchi pultlar, boshqaruv shkaflari, kon-shaxta burgʼulash texnikalari uchun ehtiyot qismlari hamda og‘ir yuk tashuvchi avtoag‘dargichlar uchun ehtiyot va butlovchi qismlar kiradi.

Tarmoqlararo sanoat kooperatsiyasi doirasida mahalliy ishlab chiqaruvchilardan 6,2 trln. so‘mlik mahsulot xarid qilindi.

Kombinat ishlab chiqarish ehtiyojlari uchun mahalliy korxonalar quvvatlarida 200 dan ortiq yangi turdagi mahsulot o‘zlashtirilmoqda.

Respublikamizda birinchi bo‘lib NKMKda joriy etilgan “shatakka olish” mexanizmi doirasida so‘ngi uch yilda 1 400 turdan ortiq 1,4 trln. so‘mlik sanoat mahsulotlari hamkorlikda ishlab chiqarilib, kombinat ishlab chiqarish jarayonlariga jalb etildi.

YouTube sahifamizda 2024-yilda Mahalliylashtirish dasturi ijrosi to‘g‘risidagi video-infografikani ko‘rish mumkin.

“NKMK” AJ Matbuot xizmati.