2021 yil mamlakatimizda “Yoshlarni qo‘llab-quvvatlash va aholi salomatligini mustahkamlash yili” deb eʼlon qilindi.

Navoiy kon-metallurgiya kombinati yoshlari yangi yilning ilk kunlarida sport tadbirlarida faol ishtirok etishdi. NKMK yoshlar yetakchilari Kengashi tomonidan 2021 yilning nomiga mos #yoshlarni_qo‘llabquvvatlash_va_aholi_salomatligini_mustahkamlash_yili chellenjiga start berildi.

Ushbu chellenj doirasida dam olish kunlari kombinat tasarrufidagi sport muassasalarda sport va sog‘lomlashtirish tadbirlari o‘tkazildi. Ularda kombinat bo‘linmalari ishchi-xizmatchilari, ayniqsa yoshlar faol qatnashishdi.

Mazkur chellenj yil bo‘yi davom etadi.

NKMK Matbuot markazi.