Har yili 18-mayda Xalqaro muzeylar kuni nishonlanadi. Bugungi kunda “Navoiy kon-metallurgiya kombinati” aksiyadorlik jamiyatiga Navoiy shahridagi “NKMK tarixi” muzeyi qarashli.

Ushbu muzey 2014-yilda tashkil topgan. Mazkur muzeydan joy olgan minglab eksponatlar, tarixiy artefaktlar noyob tabiiy qazilmalarga boy Qizilqum zaminining qadimiy tarixi va buguni haqida so‘zlaydi.

Muzeyda kombinatning gidrometallurgiya zavodlari, “Muruntov” koni, konchilik texnikalari maketlari mavjud. Bu yerda AQSh, Meksika, Shveysariya, Ispaniya kabi sanoati rivojlangan davlatlarda o‘tkazilgan xalqaro tanlovlar va savdo birjalarida kombinat oltiniga berilgan xalqaro mukofotlar saqlanadi. Muzeyga tashkil etilgandan buyon 65 ming nafardan ortiq kishi tashrif buyurgan bo‘lib, ulardan 48 ming nafardan ortig‘ini talaba va o‘quvchi yoshlar tashkil qiladi.

“NKMK” AJ matbuot xizmati.