2022-yilning 30-may kuni “Navoiy kon-metallurgiya kombinati” aksiyadorlik jamiyati (“NKMK” AJ) o‘z tarixida birinchi marta moliyaviy hisobotning xalqaro standartlari (MHXS) bo‘yicha 2020 va 2021-yillarning 31-dekabrgacha bo‘lgan davr uchun moliyaviy hisobotning to‘liq to‘plamini eʼlon qildi.

Moliyaviy hisobot “Deloitte” xalqaro kompaniyasi tomonidan tekshirildi. Mustaqil auditor 2022-yil 30-mayda eʼlon qilgan xulosasida o‘zining ijobiy fikrini bildirdi.

Shuningdek, “NKMK” AJ o‘z tarixida birinchi marta kompaniyaning 2020 va 2021-yillardagi operatsion natijalarini umumlashtirish va taqdim etish maqsadida boshqaruv hisobotini tayyorladi. Boshqaruv hisobotida qo‘shimcha maʼlumotlar hamda MHXSga muvofiq tayyorlangan moliyaviy hisobot bo‘yicha boshqaruvning sharhlari mavjud.

Kompaniyaning rasmiy press-relizi quyidagi havolada. Moliyaviy hisobot va auditorlik hisoboti quyidagi havolada.

“NKMK” AJ matbuot xizmati.