2022-yil 2-iyul kuni “Uzbekistan GTL” zavodidan 10 tonnalik sintetik dizel yoqilg‘isining birinchi partiyasi suv arkalari orqali “Navoiy kon-metallurgiya kombinati” AJga tantanali ravishda jo‘natildi.

“NKMK” AJ Markazoy kon boshqarmasi Avtomobil transporti boshqarmasida “Caterpillar” va “BelAZ” korxonalarida ishlab chiqarilgan ikkita zamonaviy maxsus tog‘-kon texnikasi ikki kun ichida sinovdan o‘tkazish uchun GTL yoqilg‘ining birinchi partiyasi bilan to‘ldirildi. GTL dizel yoqilg‘isi quyilgan NKMK texnikalari eng yaxshi texnik, ekspluatatsiya va ekologik ko‘rsatkichlarni namoyish etdi. Yaqin vaqt ichida NKMK ehtiyojlari uchun O‘zbekiston Respublikasi tovar-xom ashyo birjasi savdo platformalari orqali 5 ming tonna dizel yoqilg‘isi yetkazib berish rejalashtirilgan.

GTL dizeli yuqori texnik ko‘rsatkichlarga ega va tarkibida oltingugurt miqdori deyarli nolga teng bo‘lgan, atmosferaga juda kam miqdorda ifloslantiruvchi moddalarni chiqaruvchi mahsulotdir. GTL dizelini dizel dvigatellarida sof holda yoki uni aralashtirish uchun xom ashyo sifatida qo‘llash mumkin. GTL dizeli anʼanaviy dizel yoqilg‘isiga qaraganda, ifloslantiruvchi moddalarni 70% gacha kam chiqaradi, uning toza va to‘liq yonishi esa dvigatelda cho‘kindilarni kamaytirishga yordam beradi. Bu esa, o‘z navbatida, texnikaning ishlash muddatini uzaytiradi va unga texnik xizmat ko‘rsatish xarajatlarini sezilarli darajada kamaytiradi.

“Uzbekistan GTL” “premium-klass” toifasidagi sintetik dizel yoqilg‘isi O‘zbekiston Respublikasi tovar-xom ashyo birjasining savdo platformalari orqali sotiladi.

“Uzbekistan GTL” zavodining quvvatlari yiliga 1 million tonnagacha dizel yoqilg‘isini ishlab chiqarish imkonini beradi.

GTL dizel yoqilg‘isi Euro-6 (YEN15940) Yevropa ekologik standarti va O‘zDSt EN 15940:2022 milliy standartining yuqori talablariga to‘liq javob beradi.

Manba:

https://minenergy.uz/uz/news/view/2037