M. Lomonosov nomidagi Moskva davlat universitetining Murakkab tizimlar matematik tadqiqotlari instituti Strategik tadqiqotlar markazi vakillaridan iborat delegatsiya “Navoiy kon-metallurgiya kombinati” AJga tashrif buyurdi.

Kombinat boshqarmasida “NKMK” AJ Boshqaruvi raisi – Bosh direktori Quvondiq Sanaqulov va Moskva davlat universiteti professori, iqtisodiyot fanlari doktori, akademik Vladimir Kvint o‘rtasida uchrashuv bo‘lib o‘tdi.

Uchrashuvda delegatsiya vakillari tomonidan Navoiy kon-metallurgiya kombinatining suvdan samarali foydalanish bo‘yicha uzoq muddatli strategiyasini ishlab chiqish doirasida birinchi bosqichda bajarilgan ishlar taqdimoti o‘tkazildi.

Xorijiy delegatsiya vakillarining tashrifi bugun Navoiy davlat konchilik va texnologiyalar universitetida davom etmoqda.

“NKMK” AJ Matbuot xizmati.