2-5-mart kunlari Kanadaning Toronto shahrida tog‘-kon sanoati, shu jumladan foydali qazilmalarni qidirish va qazib olish bo‘yicha dunyodagi eng yirik tadbir – “PDAC 2025: The World‘s Premier Mineral Exploration & Mining Convention” ko‘rgazma-anjumani o‘tkazilmoqda.

1932-yildan boshlab Kanadaning konchilar va ishlab chiqaruvchilar assotsiatsiyasi tomonidan Toronto shahrida o‘tkazilayotgan “PDAC” ko‘rgazma-anjumanida har yili dunyoning 135 dan ortiq mamlakatidan 27 ming nafardan ziyot ishtirokchi qatnashib kelmoqda. Mazkur anjuman doirasida tarmoq ko‘rgazmalari va tadbirlari, taqdimotlar, investorlar bilan uchrashuvlar, ikki tomonlama muzokaralar olib borilmoqda.

Tadbirda “Navoiy kon-metallurgiya kombinati” AJ vakillari, xususan bosh direktorning transformatsiya masalalari bo‘yicha birinchi o‘rinbosari Y.Antonov, Moliyaviy hisobotning xalqaro standartlari va GRI bo‘limi boshlig‘i A.Fadeyev, Korporativ moliya bo‘limi boshlig‘i o‘rinbosari A.Xudoyorov, Tashkiliy rivojlanish bo‘limi boshlig‘i Raʼno Qosimova, Xalqaro hamkorlik va protokol bo‘limi boshlig‘i o‘rinbosari B.Rahmatulloyevlar ishtirok etishmoqda.

“NKMK” AJ Matbuot xizmati.