Raqamli O‘zbekiston – 2030” strategiyasi doirasida “Navoiy kon-metallurgiya kombinati” AJda zamonaviy axborot-kommunikatsiya texnologiyalarini keng joriy etish ishlari izchil amalga oshirilmoqda. Jumladan, Axborot-kommunikatsiya texnologiyalari boshqarmasi negizida zamonaviy maʼlumotlarni qayta ishlash markazi tashkil etildi.

Mazkur markazni tashkil etishdan maqsad “NKMK” AJning raqamli transformatsiya dasturi doirasida amalga oshirilayotgan loyihalar uchun axborot tizimlarini qayta ishlash, axborot xavfsizligi va maʼlumotlarni saqlash uchun server resurslari bilan taʼminlash, shuningdek, yuqori ishlab chiqarish samaradorligiga ega xizmatlar bilan biznes-jarayonlarni avtomatlashtirishni taʼminlashdan iborat.

Bugungi kunda kombinat axborot infratuzilmasida serverlarning disk hajmi 500 Terabaytdan ortiqni tashkil etmoqda.

Yaqinda kombinat mutaxassislari, mahaliy va xorijiy xamkorlar ishtirokida zamonaviy maʼlumotlarni qayta ishlash markazini ishga tushirishga bag‘ishlangan tadbir o‘tkazildi. Taʼkidlash lozimki, ushbu markaz modulli zamonaviy muxandislik infratuzilmasini o‘z ichiga olgan mukammal majmua xisoblanadi. Bu turdagi zamonaviy markaz mamlakatimizda birinchi bo‘lib “NKMK” AJ axborot infratuzilmasida foydalanishga topshirildi.

Mazkur markaz kombinat xodimlariga elektron pochta, internet va boshqa turdagi axborot tizimlari va resurslardan yuqori tezlikda foydalanish uchun uzluksiz xizmat qiladi.

“NKMK” AJ Matbuot xizmati.