Bugungi kunda sunʼiy intellekt (AI) texnologiyalari turli sohalarga faol joriy etilmoqda va xodimlarni boshqarish sohasi ham bundan mustasno emas. “NKMK” AJ Kadrlar boshqarmasi xodimlari sunʼiy intellektga asoslangan ilg‘or vositalardan foydalanishmoqda. Bu ularga kundalik vazifalarni tez va samarali bajarishga yordam berib, yuqori ish sifatini taʼminlash va ularning ishdan qoniqish darajasini oshirishga xizmat qilmoqda.

Xodimlarni boshqarishda sunʼiy intellektdan foydalanish kadrlar maʼlumotlarini nazorat qilish, o‘quv dasturlari va test sinovlarini tuzish, xodimlar uchun so‘rovnomalar o‘tkazish, turli hujjatlarni yaratish kabi jarayonlarni avtomatlashtirish imkonini beradi. Bu orqali soha mutaxassislari yanada murakkab va muhim vazifalarni bajarish, xizmat ko‘rsatish sifatini yaxshilashga eʼtibor qaratishlari mumkin.

Shuningdek, sunʼiy intellekt Inson resurslari departamenti mutaxassislari uchun katta hajmdagi maʼlumotlarni tahlil qilish, tendensiyalarni aniqlashda ishonchli yordamchiga aylanadi, bu esa xodimlarni ishga qabul qilish, o‘qitish va rivojlantirish bo‘yicha yanada asoslangan qarorlar qabul qilish imkonini beradi. Bu qulay ish muhitini yaratish, korporativ madaniyatni mustahkamlash va xodimlarning o‘z ishidan qoniqish darajasini oshirishga yordam beradi.

Shunday qilib, xodimlarni boshqarishda sunʼiy intellektdan foydalanish ushbu muhim xizmatni rivojlantirish uchun yangi imkoniyatlarni ochadi va kompaniyaning mehnat bozoridagi raqobatdosh ustunliklarini taʼminlaydi.

“NKMK” AJ Inson resurslarini rivojlantirish bo‘limi.