Raqobatni rivojlantirish va isteʼmolchilar huquqlarini himoya qilish qo‘mitasi huzuridagi Raqobat siyosati va isteʼmolchilar huquqlari tadqiqotlari markazi tomonidan ishlab chiqilgan uslubiy qo‘llanmalar asosida monopoliyaga qarshi komplayens xizmati masʼullari tomonidan Navoiy kon-metallurgiya kombinati xodimlariga o‘quv seminarlar o‘tkazib kelinmoqda.

Jumladan, yaqinda “Qizilqum” kon boshqarmasida masʼul xodimlarga raqobat qonunchiligi va uning buzilish ehtimollari hamda unga kiritilayotgan o‘zgarishlar, yangiliklar to‘g‘risida o‘quv seminar-trening mashg‘ulotlari tashkil etildi.

O‘quv seminar yakuni bo‘yicha Komplayens xizmati masʼullari tomonidan uslubiy qo‘llanmalar asosida olib borilgan targ‘ibot natijasi bo‘yicha xodimlarga test sinovlari o‘tkazildi. Test natijasi bo‘yicha ishlarni tashkil etish uchun qo‘llanma va tavsiyalar berildi.

“NKMK” AJ Matbuot xizmati