27-mart kuni Toshkent shahridagi “Kiberxavfsizlik markazi” DUKda “Davlat organlari va tashkilotlarida kibertahdidlarning oldini olish va kiberxavfsizlikni taʼminlash” mavzusida seminar o‘tkazildi.

Mazkur seminarda axborot xavfsizligining dolzarb masalalari, kibermakondagi zamonaviy tahdidlar, kiberhujumlarga qarshi kurashish usullari, shuningdek, davlat organlari va strategik ahamiyatga ega tashkilotlarning barqaror va xavfsiz ishlashini taʼminlashda kiberhimoyaning o‘rni ko‘rib chiqildi.

2024-yil yakunlari bo‘yicha “Navoiy kon-metallurgiya kombinati” AJ kiberxavfsizlikni taʼminlash sohasidagi ilg‘or korxonalardan biri sifatida eʼtirof etildi. Kiberxavfsizlik markazining bu eʼtirofi nafaqat kombinatda amalga oshirilayotgan ishlarning yuqori bahosi, balki raqamli makonda ortib borayotgan tahdidlar sharoitida kiberhimoya tizimini yanada takomillashtirishga qo‘shimcha rag‘batdir.

“NKMK” AJ yuqori darajadagi ishonchni saqlab qolgan holda o‘z axborot resurslari xavfsizligini taʼminlash bo‘yicha faol ishlarni davom ettiradi.

“NKMK” AJ Matbuot xizmati