Sayt sinov rejimida ishga tushirilgan. Joriy versiyaga o'tish.
Sayt sinov rejimida ishga tushirilgan. Joriy versiyaga o'tish.

Bizning yondashuvimiz

NKMK uchun barqaror rivojlanish masalalari alohida ahamiyatga ega. Bu nafaqat global oltin bozorida raqobatbardosh ustunlikni saqlab qolish imkoniyati, balki barcha manfaatdor tomonlar uchun uzoq muddatli qiymat yaratishning muhim vositasidir.

ESG-transformatsiya va barqaror rivojlanishning xalqaro tamoyillarini amaliyotga tatbiq etish Kompaniyaning strategik maqsadlariga erishish imkonini beradi.

NKMK barqaror rivojlanishning ilg‘or xalqaro amaliyotiga amal qiladi

Sanoat talablari

Mas’uliyatli oltin qazib olish tamoyillari (RGMP) Xalqaro oltin kengashining rasmiy talabi bo‘lib, ilg‘or xalqaro tajriba va standartlar talablarini ham birlashtiradi. Ularning joriy etilishi NKMKning ESG tamoyillari va ilg‘or xalqaro tajribalarga muvofiqligini ta’minlaydi. 2023-yilda NKMK tomonidan mustaqil xalqaro konsultantni jalb qilgan holda xalqaro standartlar talablari bo‘yicha birinchi keng ko‘lamli audit o‘tkazildi. Ushbu audit Kompaniyaning barcha korxonalarini qamrab oldi. Audit natijalariga ko‘ra, RGMP talablarini amalga oshirish bo‘yicha chora-tadbirlar Dasturi korporativ darajada shakllantirildi va tasdiqlandi.

Mas’uliyatli oltin qazib olish tamoyillari (RGMP):

  1. Biznes yuritishda axloqiy yondashuv;
  2. Faoliyatimizning ta’sirini tushunish;
  3. Yetkazib beruvchilar va pudratchilar;
  4. Xavfsizlik va salomatlik muhofazasi;
  5. Inson huquqlari va nizolar;
  6. Mehnat munosabatlari;
  7. Jamiyat vakillari bilan ishlash;
  8. Atrof-muhitga g’amxo’rlik;
  9. Biologik xilma-xillikni saqlash, yerdan foydalanish va konlarni yopish ishlari;
  10. Suv resurslari, energiya iste’moli va iqlim o’zgarishi.