Ijtimoiy loyihalar
NKMK O‘zbekistondagi eng yirik soliq to‘lovchi va ish beruvchilardan biri bo’lib, Davlat byudjeti daromadlarini shakllantirishdagi ulushi qariyb 17 foizni tashkil etadi
Biz ishchi-xodimlarimiz, ularning oilalari va O‘zbekiston xalqi oldidagi mas’uliyatimizni anglaymiz, kelajak avlodlar uchun qo‘shimcha barqaror qiymat yaratgan holda ijtimoiy mas’uliyatning yuksak standartlariga rioya qilishga intilamiz.
NKMK tomonidan jamiyat vakillarini qo‘llab-quvvatlashga qaratilgan qator ijtimoiy-iqtisodiy loyihalar va tadbirlar amalga oshirilmoqda. Bular ijtimoiy soha obyektlarini modernizatsiya qilish va moddiy-texnik ta’minlash, shuningdek, kam ta’minlangan oilalar va pensionerlarni qo‘llab-quvvatlashga qaratilgan xayriya loyihalari, ilm-fan, sog‘liqni saqlash, sport va san’at sohalaridagi ijtimoiy-iqtisodiy tashabbuslarga xayriya va homiylik ko‘rsatishdan iborat.
2023-yilda NKMK tomonidan ikkita yirik ijtimoiy obyekt — Navoiy viloyati Tomdi tumanida zamonaviy 504 o‘rinli ixtisoslashtirilgan maktab-internati va Qiziltepa tumanidagi «To‘dako‘l» dam olish bazasi negizida Xalqaro shaxmat maktabi barpo etildi. Xalqaro shaxmat maktabi 100 nafar o‘quvchini o‘qitish imkoniyatiga ega bo‘lib, «FIDE» talablariga muvofiq 250 nafar sportchi ishtirokida shaxmat bo‘yicha xalqaro turnirlarni o‘tkazish uchun jihozlangan.
to’lovlari tashkil etdi
Xilma-xil muhitni yaratish NKMKning barcha bo‘linmalarida inklyuzivlikni rag‘batlantirish va samaradorlikni oshirishda muhim ahamiyatga ega.
NKMK xotin-qizlar huquqlarini kengaytirish va gender tenglikni rivojlantirishga qaratilgan tashabbuslarni qo‘llab-quvvatlaydi va amalga oshiradi. 2020-yildan buyon kompaniya "Gender tenglik va ayollar huquqlarini rag‘batlantirish tamoyillari"ni amalga oshirib kelmoqda. Kompaniyada gender tenglikni ta’minlash bo‘yicha tashabbuslarni ilgari surish uchun mas’ul bo‘lgan Ayollar Kengashi mavjud.
Ayollar huquqlarini targ‘ib etish va himoya qilish, ularni o‘qitish va malakasini oshirish imkoniyatlarini kengaytirish maqsadida uchrashuv va tadbirlar o‘tkazilmoqda.
Xodimlarning umumiy tarkibidagi ayollar ulushi 13 foizni tashkil etadi — bu O’zbekistondagi eng yuqori ko’rsatkichdir.
NKMK tomonidan individual va umumiy mas’uliyatga asoslangan xavfsizlik madaniyatini yaratish hamda LTIFR koeffitsiyentining past darajasi va o‘lim holatlarining sonini nolga yetkazish kabi xavfsizlik ko‘rsatkichlarini doimiy ravishda yaxshilash ustida ishlar olib borilmoqda.
NKMK mehnatni muhofaza qilish va sanoat xavfsizligi bo‘yicha raqamli vositalarni, jumladan, real vaqt davomida ishchi-xodimlarning joylashuvi tizimi hamda smenadan oldin avtomatik tibbiy xizmat ko‘rsatish tizimini rivojlantirishni rejalashtirgan.
NKMKda mehnatni muhofaza qilishni boshqarishning avtomatlashtirilgan axborot tizimi («AIS AMISOS») joriy etildi hamda kombinatning mehnatni muhofaza qilish bilan bog‘liq obyektlar, xodimlar va hujjatlarning yagona ma’lumotlar bazasi yaratildi. Ishch-xodimlar va ish joylarining inspeksiya tekshiruvlari natijalarini tahlil qilish uchun raqamli platforma joriy etildi.
Shuningdek, konlarni ochiq usulda o‘zlashtirishda xavfsizlik qoidalarini o‘z ichiga olgan mehnatni muhofaza qilish bo‘yicha raqamli kompleks o‘quv kursi ishlab chiqildi. Kelgusi rejalar yer osti kon ishlarida xavfsizlik qoidalari, asbob-uskunalar bilan ishlashda xavfsizlik texnikasi boʻyicha masofaviy o‘qitish dasturlarini hamda butun ishlab chiqarish jarayonini qamrab oluvchi qayta ishlash sanoatida mehnat xavfsizligi boʻyicha masofaviy dasturni ishlab chiqishdan iboratdir.
Bundan tashqari, NKMK tomonidan Markaziy kon boshqarmasida 21 178 nafar ishci-xodimni qamrab oluvchi ISO 45001:2018 xalqaro standarti joriy etildi. Ushbu standart kombinat korxonalarida ishci-xodimlar uchun xavflar va baxtsiz hodisalarni yanada kamaytirishga xizmat qilmoqda.
NKMKning asosiy qadriyatlaridan biri bu har bir xodimning kasbiy o‘sishidir. Kombinat yuqori malakali kadrlarni samarali tanlash, rivojlantirish va saqlab qolishga asoslangan kadrlar siyosatini olib bormoqda. NKMK tomonidan mehnat sharoitlari, kompensatsiya va motivatsiya tizimlari doimiy ravishda takomillashtirilmoqda hamda kadrlarni o‘qitish, rivojlantirish rag‘batlantirilib, ishchi-xodimlarni ijtimoiy qo‘llab-quvvatlash kuchaytirilmoqda.
NKMK xodimlari kasaba uyushmasi Kengashi ishchi-xodimlarning manfaatlarini himoya qiladi va ish beruvchining majburiyatlari bajarilishini nazorat qiladi. NKMK maʼmuriyati va kasaba uyushmasi Kengashi o‘rtasida tuzilgan Jamoa shartnomasi kombinatning barcha ishchi-xodimlari hamda pensionerlariga amal qiladi.
Jamoa shartnomasida keng ko‘lamli imtiyozlar to‘plami ko‘zda tutilgan hamda NKMKning mehnatni muhofaza qilish, munosib mehnat sharoitlarini ta’minlash, ishchi-xodimlarning salomatligi va ijtimoiy ta’minotini ta’minlash sohasidagi ish beruvchi sifatidagi majburiyatlari belgilab berilgan.
Kasbiy rivojlanish
NKMK tomonidan ishchi-xodimlar zamonaviy ishlab chiqarish sharoitida ishlash uchun zarur ko‘nikma va bilimlarga ega bo‘lishlari bo‘yicha o‘quvlar o‘tkaziladi. Kombinatdagi kasbiy rivojlantirish dasturlari geologiya-qidiruv, oltin qazib olish, ekologiya va boshqa sohalarda bilimlarga ega yuqori malakali ishchi-xodimlarning yangi avlodini shakllantirishga xizmat qilmoqda.
Kombinat ehtiyojlariga mos ravishda uzluksiz o‘qitish jarayoni va turli o‘quv dasturlarini ta’minlovchi Navoiy, Zarafshon, Uchquduq, Nurobod shaharlari, Zarkent qo‘rg‘onida NKMKning yuqori malakali kadrlar tayyorlashga ixtisoslashgan 5 ta o‘quv markazi faoliyat ko‘rsatadi. Har yili o‘quv markazlarda kombinatning 15 ming nafardan ortiq mutaxassislari o‘qitilmoqda. 2024-yilda barcha ishchi-xodimlar uchun masofaviy o‘quv platformasi ishga tushirilib, kasbiy rivojlanish tizimi uchun muhim qo‘shimcha bo‘ldi.